ازاى تعرفى انك فى فرح مصرى

موضوع: ازاى تعرفى انك فى فرح مصرى 4/8/2010, 2:50 am

ازاى تعرفى انك فى فرح مصرى تعالوا نشوف ويارب موضوعى يعجبكم

ازاى تعرف انك فى فرح مصرى

بص بقا يا سيدى

من البدايه كدا هتلاقى الدعوه بتاعت الفرح جايالك
وعليها عباره
(جنه الاطفال منازلهم)

يعنى من الاخر ابنك دا يقعد فى البيت
ومايورناش وشه احنا مش عارفين نأكل المعازيم
لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهنبدا الليله اااااه اااه

وتلاقى البنات بيجروا ورا العروسه
عشان ينولوا شرف صحبتها كدا وهى داخله القاعه
ويتقاسموا شرف انهم يشيلوا ديلها (اقصد ديل الفستان)

لما تلاقى العريس بيبخر العروس
عشان الحسد احسن تتكسر ولا حاجه
وتلاقى العروسه بتبخر العريس
احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه

لما تلاقى بقا الستات بتمارس احسن هوايه ليها على مر التاريخ
وهى النميمه

ويقعدوا بقا يقولوا:
انا عارفه يا ختى اخدها على ايه دا لا مال ولا جمال

والتانيه تقولها :
والله يا ختى من ناحيه الجمال فهى شبه الليفه المحروقه
لكن من ناحيه المال لا دا الواد وقع واقف اه
دا ابوها عنده عربيه كارو اقصد (ماقطوره ) بتدخلوا شىء وشويات

وتلاقى البنات بقا واقفه اللى تقول:
ايه دا فستانها بيئه اوى ايا

والتانيه تقولها:
اكيد مأجراه من عند الكوافير اللى عملها التسريح
اللى شبه تسريحه المجانين دى

لما اول حجه تسمعها اول ما تدخل القاعه
وقبل ما تشوف العروسه والعريس
( اغنيه هشام عباس (اسماء الله الحسنى) )

لما تلاقى بتاع الكاميرا بيزوم على الشبكه
كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض
وينطوا فوق بعض عشان يتفرجوا عليها

لما العريس والعروسه يرقصوا الرقصه الرومانسيه الازليه
على اغنيه(غمض عينيك واحلم معايا)
او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل
وهما بيقولوا لبعض

(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا
ويروحوا مشغلين اغنيه السهره(هاتجوز) للملك سعد الصغير
وبعدها العنب لمعبود الجماهير (هو اسمه ايه)

لما تلاقى ام العريس كل نص ساعه وتمسح عرق ابنها
وتقوله( يا بنى كفايه مش كده ...ماتهدش نفسك)

لما تسمع السؤال الابدى
(هو البوفيه هايفتح امتى ...الواحد جاع)

لما يتعرض الفيلم التسجيلى البوفيه
وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده

بعد تناول الطعام مباشره وعلى راى المثل
(بعد ما كل واتكى قال رحته مستكه)

لما تلاقى ام العروسه بتقول للعريس
خد بالك منها
والعريس يقولها
دى فى عينى يا طنط

لما تلاقى الزفه انطلقت فى الشوارع
مسببه الازعاج لخلق الله
وبيب بيب بيب بيب بيب بيب بيب بيب بيب بيب

وشكرا

ههههههههههههههههههههههههههههه
بجد جامدة جدا جدا يا قمر واحنا خلاص اتعودنا منك على الموضوعات المميزة وبالتوفيق يا قمر وعلى فكرة معبود الجماهير اسمه : عماد بعرور
وربنا يتوب علينا من اشكاله وامثاله اللى مبوظين الفن
ازاى تعرفى انك فى فرح مصرى 278564

بجد منورة مواضيعى ديما وبشكرك على اهتمامك بيا وباللى بكتبة ديما مشكوررررررررررررررررررررة على مرورك

» دعاء راجل مصرى مطحون فى صباح كل يوم
» لو لقتيه بيعمل اى حاجه من دى (( تعرفى انه بيغيظك ))
» فوائد نبات الجميز ادخلى وانتى تعرفى
» ليه الفلوس بطير زى العصفير؟؟؟؟؟؟؟؟؟ تعالى وانتى تعرفى....
» دكتور مصرى اكتشف علاج للسرطان باستخدام الخميرة المنزلية