ليه الفلوس بطير زى العصفير؟؟؟؟؟؟؟؟؟ تعالى وانتى تعرفى....

السلام عليكم ورحمة الله وبركاته

حبيباتي بنات كول

ايه السر الى بيخلى الفلوس تيطير زى العصفير

يا ترى الموضوع دا مهم

انا شايفة انه مهم اوي بصراحة لأن مفيش واحدة مننا ما بتعانيش منه

سواء على مستوى دخلها الشخصي او مستوى دخل اسرتها او اهلها .

مع غلاء الاسعار وقلة المرتبات ووو ..

بتحسي ان بجد الفلوس بتتبخر !!

وما بتعرفيش راحت فين ولا جات امتى .. مش كده ؟

طب تفتكروا ليه بيحصل كده معانا يا جماعة؟

وليه في نفس الوقت ونفس الظروف اللي كلنا بنمر بيها .. بنلاقي ناس ما شاء الله الفلوس مكفية رغم ان مرتباتهم قليلة ومش بيشتكوا من موضوع الفلوس .

عشان حاجة واحدة بس يا جماعة

هي السر ..

((( البركة !! )))

أيوا البركة

والبركة دي مش في الفلوس وبس

ده في كل حاجة لو نزعت منها البركة تبقى وبال

ولو ربنا بارك فيها تبقى خير ونعمة وفضل على صاحبها

واكبر دليل على كده ان لما اي حد بينجح او يتزوج او يحصل له حدث سار

اول كلمة بنقولهاله ايه ؟؟

(( مبارك - مبروك ))

صح ؟؟

طيب البركة في فلوسنا تيجي ازااي بقى ؟

من اهم حاااااااااااااجة ممكن نعملها ..

وهي:

(( الصدقة ))

دي من أحب الأعمال وأفضلها عند الله -سبحانه وتعالى -

ده غير فضلها الكبير وثوابها العظيم .

كلنا عارفين الصدقة طبعا

وانا مش جاية اديكوا درس فيها

انا بس بفكركوا بصفتنا نساء واننا اكثر اهل النار

والرسول صلى الله عليه وسلم امرنا بالتصدق ولو من ذهبنا لأننا اكثر أهل النار .

في الحديث:
[ يا معشر النساء تصدقن؛ فإني رأيتكن أكثر أهل النار، فقلن: وبِمَ يا رسول الله؟ قال: تكثرن اللعن، وتكفرن العشير ]
( البخاري )

ممكن يا جماعة نتصدق بحاجات بسيطة جدا

مش محتاجين مبالغ طائلة

بس اهم حاجة المداومة

يعني والله لو نص جنيه كل يوم يبقى خير وبركة .

قال الرسول صلى الله عليه وسلم:

[ أحب الأعمال إلى الله أدومها وإن قل ]

بس هتشوفوا البركة هتبقى في فلوسكوا وحياتكوا ازاي هتتغير وربنا يبارك فيها ..

(والأحاديث في فضل الصدقة كثيرة جدا ..

بس هكتفي بعرض حديثين فيها:

[ ما فتح رجل باب عطية بصدقة أو صلة إلا زاده الله بها كثرة ]
( صحيح الجامع )

[ ما من يوم يصبح العباد فيه إلا ملكان ينزلان فيقول أحدهما: اللهم أعط منفقاً خلفاً، ويقول الآخر: اللهم أعط ممسكاً تلفاً ]
( البخاري )

ودي تجربتي الشخصية مع الصدقة:

اهم حاجة بجد بحس بتخليلي في الفلوس بركة جدااااااااااااااا والله
الصدقة
بجد يا بنات بتفرق جدا والله ولو حاجة قليلة بس تثبتي عليها
يعني ولو نص او جنيه في اليوم
انا بتكسف من نفسي اوي بصراحة بفضل اقول انا بحوش كده واصلا افرض مت ؟
مفيش حاجة هاخدها معايا قبري .. مش كنت هتمنى لو اتصدقت بيهم؟
طبعا مش بطلع كله .. بس كل فترة كده ياريت نطلع مبلغ حلو والله هتحسي براحة وفعلا والله اقسم بالله وجربوا وهتصدقوني
هتحسي الفلوس زادت مش قلت وسبحان الله تلاقي الفلوس تتحدف عليكي متعرفيش بتيجي منين
وده مصداق لقول الله تعالى:
{يمحق الله الربا ويربي الصدقات}
يربي أي يزيد ويبارك

ومصداق لقول الرسول الكريم -صلى الله عليه وسلم-:
[ ما نقص مال عبدٍ من صدقة ]

سبحانك ياربي ..

يارب يا بنات تستفيدوا من الموضوع
وتنووا الصدقة بجد وانتوا هتشوفوا التأثير إن شاء الله ..

جزاكى الله خيرا

» فوائد نبات الجميز ادخلى وانتى تعرفى
» ادخلى وانتى تسمعى احلى كلام
» ازاى تعرفى انك فى فرح مصرى
» لو لقتيه بيعمل اى حاجه من دى (( تعرفى انه بيغيظك ))
» تعرفى على الاشياء الموجودة فى منزلك وتسبب الكثير من الامراض