حملة الحفاظ على الصلاة(( الا صلاتى ))

[

center]
ازيكووو .. ان شاء الله تكونو بخير
وحشتوني كلكو اوى

انهاردة ان شاء الله هاحكيلو تجربتي في موضوع الصلاة
انا من اول مااتولدت جيت في بيت مسلم عارف ربناا
والدي متدين ووالدتي متدينة اوى الحمد لله
عمرهم ماقصرو في حقي ابدااااا
ودايما عايزني انا واخواتي نكون احسن ناس في الدنياا
علمونا الصلاة ,حفظونا كتاب الله
ودايما دايما كانو مواظبين اانا نروح دار لتحفيظ القراااان
بابا دايما مربيني ان ربنا اول حاجة نفكر فيها
ندي ربنا حقو علينا كمسلمين
وبعدين نفكر في اي حاجة تانية
يعني تحفظي قرانك تصلي صلاتك تصلي السنن
تقولي الاذ كاااار , تذكري ربنا
من الاخر تدي حق ربنا وترضيه
بعدين تعملي اي حاجة انتي عيزاها
تلتفتي بقا لدروسك وتذاكري تلعبي تخرجي اعملي اللي تحبيه
المهم :ربنا اول حاجة تفكري فيها
دة اللي اتربيت عليه

المهم جتلي فترة في حياتي
قصرت فيها مع حق ربنا اوى وبعدت عنو
وكلو بسبب الثانوية العامة مبقيتش اروح الدااار
كان اليوم كلو مدرسة ودروس وبرجع اذاكر كلمتين واناااااام
بابا بقا يقولي لو مش هاتروحي الدار اقراي انتي لوحدك قران وانا اسمعلك
قصرت في حق القران مكونتش بمسكه خالص
لقيت نفسي بدون مااحس بقصر في حق الصلاة
اه والله بقيت بنسا الصلاة وبقيت بكسل فيها جداااا
لما كونت بكسل بدات انسا بقا خالص
وكان الصلاة مش موجودة اصلاااا
عايزة اقولكو كل حاجة في حياتي اتغيرت
1-معنتش بعرف اذاكر وبتكاسل في المذاكرة
2- اصحابي الكويسين بعدو عني ميغرفوش اني مش بصلي لا بس بعدو عني ومكونتش اعرف فيه اكيد اكيد اتغيرت
3-عايزة اقولكو انا طول عمري الناس يقولولي وشك منور يااسراء
ودة من الصلاة وحفظ القران
وشي ضلم ايوة والله فعلاااا
بقا اللي يشوفني يقولي اسمريتي كدة ليه
بس ربني حبيبي مسابنيش كدة
ابتلاني بامراض كونت حكيتلكو عنهاااا
جالي حزام ناري وجالي حساسية صدر وشوفت الموت قصاد عيني
كان كل مرض من دول يجيلي يفوقني من اللي انا فيه
وانتظم في الصلاة واقرب منو
بس الشيطاان برضو كان يخليني اكسل بعدهاااااااااااااااااااا

هاتقولولي طيب انتي جاية تحكي الكلام دة ليه
جاية تفضحي نفسك بعد ماربنا سترك

انا فعلا عايزة كل بنت مش بتصلي تصلي اوى
يمكن لما تشوف موضوعي قلبها يحن لربناااااا
لانو كريم اوى
ومستستناش لما يحصلها نفس اللي حصلي علشان تفووووق

بجد الموت قريب مننا اوي وصعب جداااااااا
وانا عايزة كل وحدة مش بتصلي تصلي من نفسهااااااا
مش مثلا تشوف حاجة تخليها تخاااف فتصلي
لا انا عيزاكي تحبي ربنااااااااااااااااااا
عارفين لما يكون في حد بيحب حد اووى
بيحب يقعد معاه كتير اووووى اوووى
لما تحبي ربنا هتحسي انك عايزة تقابلي ربنا مش 5 مرات بس في اليوم
لا اكتر من كدة بكتير

عارفين انا مش هاقولكو انا سمعت شيخ وسمعت كلامو عن تارك الصلاة وخوفت
لا انا ربنا هداني بدعاء والدي ووالدتي
وبدعائي ليه في جوف الليل
بقيت ادعيه اقولو بجد نفسي اصلي
نفسي انتظم على الصلاة

انا هاقولكو على شوية حجات تخلي قلبكو يحب ربنا اوي ويحب صلاتو
ومش هاقولكو على عذاب تارك الصلاة

1-قال تعالى :حافظوا على الصلوات والصلاة الوسطى وقوموا لله قانتين وتعرفي كمان ان اللي بيصلي الفجر والعصر بيدخل الجنة
الرسول عليه الصلاة والسلام قال
من صلى البردين دخل الجنة
والمقصود بيهم الفجر والعصر

2-* هل تعلمي أن الصلاة وصية النبي صلى الله عليه وآله وسلم عند خروجه من الدنيا ؟

قال رسول الله صلى عليه وآله وسلم وهو يلفظ أنفاسه الأخيرة : (الصلاة ، الصلاة وما ملكت أيمانكم ).
ياااااه شوفتو حبيبنا محمد وهو بيموت بيفكر في امته ازاي
بيفكر فينا وبيوصينا بالصلاة

* هل تعلمي أن الصلاة مفتاح كل خير ؟
قال ابن القيم الجوزي رحمه الله( الصلاة : مجلبة للرزق . حافظة للصحة دافعة للأذى ، طاردة للأدواء ، مقوية للقلب ، مبيضة للوجه ، مفرحة للنفس ، مذهبة للكسل ، منشطة للجوارح ، ممدة للقوى ،شارحة للصدر، مغذية للروح ، منورة للقلب ، حافظة للنعمة ، دافعة للنقمة ، جالبة للبركة, مبعدة من الشيطان, مقربة من الرحمن )

شوفو الحديث القدسي دة بجد جميل اوي لما قريتو جسمي قشعر بجد

قال سبحانه وتعالى :
(( يا ابن آدم جعلتك في بطن أمك .. و غشيت وجهك بغشاء لئلا تنفر من الرحم ...
و جعلت وجهك إلى ظهر أمك لئلا تؤذيك رائحة
الطعام .. و جعلت لك متكأ عن يمينك و متكأ عن شمالك ..
فأما الذي عن يمينك فالكبد .. و أما الذي عن شمالك فالطحال ..
و علمتك القيام و القعود في بطن أمك .. فهل يقدر على ذلك غيري ؟؟
فلما أن تمّت مدتك .. و أوحيت إلى الملك بالأرحام أن يخرجك ..
فأخرجك على ريشة من جناحه .. لا لك سن تقطع .. و لا يد تبطش .. و لا قدم تسعى ..
فأنبعث لك عرقين رقيقين في صدر أمك
يجريان لبنا خالصا .. حار في الشتاء و باردا في الصيف ..
و ألقيت محبتك في قلب أبويك .. فلا يشبعان حتى تشبع .. و لا يرقدان
حتى ترقد .. فلما قوي ظهرك و أشتد أزرك .. بارزتني بالمعاصي في خلواتك ..
و لم تستحي مني .. و مع هذا إن دعوتني أجبتك ..
و إن سألتني أعطيتك .. و إن تبت إليّ قبلتك ))

انا الحمد لله
بقيت مواظبة على الصلاة وفي مواعيدهاااا
وبقيت بصلي السنن الحمد لله
وعارفين اكتر حاجة محبباني في الصلاة
الدعااااااااااااااء
ربنا كريم اوى اوى ومش هايسيبك بجد
ادعوه كتير اوووووووى
الحمد لله انا ختمت القرااااااان
يعني الحمد لله حفظته
وحاليا بروح الدار زي ايام زمااااااااان وبقيت براجع
وان شاء اله مش هاسيبو تاني ولا هاسيب الصلاة تاني
ومش هاخلي شيطاني يدحك عليااااااااااااااااااااا
هاخليه يعيط وانا اللي هادحك عليه

عيزاكو تحكولي لو عندكو تجربة في موضوع الصلالالالاة
لو حد تعرفوه اي حد
يمكن نأثر في وحدة مابتصليش وتصلي
ونكون سبب دخولها الجنة
وعيزاكو تدعولي كتير ربنا يثبتني
واسفة اني طولت عليكوووو
مستنياكو

اختكو اللي بتحبكو في الله اوى

[ندعوك للتسجيل في المنتدى أو التعريف بنفسك لمعاينة هذه الصورة]

الله جميل اوى الموضوع ده انا كمان الحمد لله بحفظ قران وبقرا قؤان واتعلمت علم دينى من وانا صغيرة ومواظبة على الصلاة والله العظيم كنت اتعلمت الصلاة وانا عندى4 سنين و بدات اواظب وانا فى الحضانة وانا ختمت القران وانا فى 3 ابتدائى بس قراءة مش حفظ وانا بحفظ قران الوقتى وان شاء الله هاخلصه فى الثانوى وده املى وانا علفكرة فى فطرة كده كنت مش بحفظ وكنت مش بقرا قران وكنت مش بصلى كنت بحس بكتئاب على طول وكل شوية اعيط ومش فاهمة حاجة من الكتاب وكل اما بشوف وشى فى المرايا بحس انى سمراء سمراء واحس بصوت ضحك جااااااامد منين مش عارفة واخاف جدا واكتشفت ان ربنا خلانى اسمع صوت الشيطان بس صوت مش مرعب اوى وانه فرحان فيا بس قاومت شيطانى وصليت وعملت عهد على نفسى انى اصلى علطول واحفظ قران واقرا قران واسمع قران واشوف برامج دينية واقرا حاجات دينية واقول اذكار الصباح والمساء والحزن والكرب والنوم والاستيقاظ وحاجات كتيييييييييييير ميرسيه اوى على الموضوع الجميل ده

» الحفاظ على اوانى اطهى
» الحفاظ على اوانى الطهى
» الحفاظ على المنزل ((الحزء الاول ))
» حملة للحفاظ على الوقت ...........
» حملة افضل مكسب فى شهر رمضان