كفته البطاطس للشيف يسري سهلة وجميلة

[ندعوك للتسجيل في المنتدى أو التعريف بنفسك لمعاينة هذه الصورة]

اخواتي الحبيبات

جيبالكم النهارده طريقه عمل كفته البطاطس للشيف يسري واللي عملت انقلاب لما قلها في البرنامج وكل شويه واحده تطلب المقادير والطريقه جربتها وطلعت روووووووووعه واضفت ليها بعض الاضافات خلتها اروع وجبتهالكم وجيت يلا بينا علي المقادير

3\4 كيلو بطاطس مسلوقه 3\4 سوي وتبشر بالمبشره
1\4 كيلو لحمه متعصجه بدون طماطم
3 بيضات
2 ملعقه بشر بصل (التفل بس)
2 ملعقه بقدونس
1 كوب دقيق
1 كوب بقسماط
زيت للتحمير

والاضافات اللي اضفتها هي
2 فص ثوم مفروم
2 ملعقه كسبره

(بصل بودر +ثوم بودر+كركم+كمون+ملح وفلفل) علي الدقيق اللي هستخدمه في البانيه وكمان من نفس التوابل علي البقسماط علشان تعزز النكهه في الكفته

اولا بسلق البطاطس 3\4 سوي مع ماء بارد وشويه ملح
بعد السلق اشرها بالمبشره او اهرسها بالهراسه او الشوكه ووتتبيليها بتوابلك الخاصه حسب رغبتك
اضيف تفل البصل والثوم المفروم واللحمه المتعصجه والبقدونس والكسبره والملح والفلفل

اما البيض فالنصيحه انه ينضاف تبعا لسلق البطاطس يعني لو مسلوقه قوي فمفيش داعي تضيفي كتير علشان متبقاش سايله صعب تشكيلها ميزانك عينك وملمس الكفته

[b]علي الرخامه تضيف رشه دقيق واشكل الكفته علي هيئه عمود او اسطوانه طويله حسب ذوقك وابدأ اقطع منها اصابع متوسطه الطولالفها بالدقيق ليساعد لي التشكيلابدأ اضيفها للدقيق المتبل ثم البيض المخفوق ثم البقسماط المتبل

[b]والخطوه المهمه : انه لازم يتحط في الثلاجه 1\2 ساعه او الفريزر 1\4 ساعه علشان يثبت الخلطه البانيه

عليه ومتفكش ساعه القلي

وبعد خروجه من الثلاجه يقلي في زيت غزير ساخن

نصيحه مهمه : اضيفي ملعقه بيكنج صودا او كربوناتو الي البقسماط او الدقيق اذا كان اخر طبقه علي البانيه
ده بيساعد انه يطلع لونه ذهبي وميغيرش لون بعد اول قليه يعني يفضل لون المقالي ذهبي طول فتره القلي وميسودش في تاني دفعه في القلي
جربوها وشوفي طعمها الخطيييييير

ومستنيه ردودك
[/b][/b]

» طريقة عمل السابليه سهلة وجميلة
» البطاطس المقليه بلبهارات
» الحمام المحشى بلفريك طريقه سهلة وشرح بلصور
» سلطة البطاطس الحامضه كول ولزيزة
» طريقة عمل وردات البطاطس جميلة ولذيذة