طريقة تخلى خطيبك يحترمك

[center]طريقة تخلى خطيبك يحترمك



انا هاقول لكل واحدة مخطوبة او لسة هاتطخبك نصيحة لو عملتها هاتخلى خطيبها يحترمها جدا جدا هى انك تعاملى ربنا وتحطيه

قصاد عينك وتلتزمى باوامره وتبعدى عن وساوس الشيطان يعنى مثلا تكونى محتشمة قدام خطيبك وتتحجبى قدامه وماتبينيش

شعرك ليه لانه يعتبر اجنبى عنك وملابسك ماتكونش مبينة تفاصيل جسمك يعنى ما تكونش شفافة ولاضيقة تكون ملابس محترمة

شيك وكمان ما تخلوهوش يمسك ايدك خالص لان ماسكة الايد دى حرام لانها بتثير الشهوة وماتخلوهوش يقول لك كلام مش محترم

والحاجة المهمة بردة ما تكونوش قاعدين فى مكان لواحدكم ومقفول عليكم لان الرسول قال (ما اجتمع رجل وامراة الا والشيطان

ثالثهما ) صدق رسول الله صلى الله عليه وسلم ولوصمم على حاجة اقنعيه باسلوب راقى مقنع وقوليله كمان ان احنا لازم نراعى

ربنا علشان يبارك لنا ويتمم لنا على خير وما نعصهوش واحنا بعد الجواز ان شاء الله سيكون كل شئ مباح وهاكون زوجتك وانت

زوجى ونعمل اللى احنا ماعملناهوش فى الخطوبة وصدقونى يا بنات ها يحترمك جدا جدا دلوقتى وبعد ما تتجوزوا وهايفتخر بيكى

قدام نفسه وقدام اهله وقدام اصحابه ...... وربنا يتتم لكم على خير كدة ومبروك مقدما ويارب يارب عقبال اخواتى البنات كده نفرح

بيهم