(( اقوال ماثوره للام والاب ))

[size=29
اشهر جمل بيقولوها الام ولاب

ذاكر سعتين بتركيز كأنك ذكرت اليوم كلو - الغريب اما تقعد تذكر سعتين يقولو و هي دي مذاكره

مذاكرة ايه دي اللى على السرير

بلاش البرفان وانتى نازل

يا ابني تعالي اقعد معانا ولا انت مأجر اوضه جوه البيت ......

ابقي نشف الحمام بعد ما تخرج منه.

يا خويا ياراتك حافظ الدروس اللى عندك زى ما انت حافظ الاغانى كده

قبل الفجر: ارجع بات في المكان اللي انت جاي منه.

لو كانت اللي علي التليفون طنط سلوي قوليلها ماما نايمة .

ابقى قابلني بكرة تاخد بالجزمة وتاكل كل حاجة غصب عنك.

عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو غير لما اموت.

يابنى حرام عليك هات قناة الناس الشياطين ماليه البيت.

امشى جاتك مشش فى ركبك .

جتها نيلة الى عايزة خلف تيجى تتفرج .

متحطيش الموبيل جنبك و انت نايمه هيجبلك تخلف عقلي .

ذاكر ياموكوس مش فالح غير فى الهيافه والكلام الفاضى.

متتأخرش وهات عيش وانت جاى .

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

كل يوم هات .. هات لمة ربيتلى الهتهات (الحاج طبعا) مع انى مش عارفة اية الهتهات ده بس ماشية مع

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

اوعا حد يضحك عليك ويقولك جرب السيجارة دي.

ابقى ورينى مين حينفعك فى الاخر من شوية الصيع الى انت مشيلى وراهم .

قوم اقرا لك كلمتين ينفعوك .

وطي المدعوق ده شويه .

مش ملاحقه علي التليفون ولا الموبيل عملالي فيها الست المهمه.

برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.
لما ما ترضاش تاكل في البيت:طبعا مانت اتعودت علي اكل بره .
عيـــب ... لازم تحترم اللي أكبر منك .
لو شفت خناقه ما لكش دعوة بيها .
كريم دا عيل بايظ وماتمشيش معاه تاني .
مين منى دي انتى كل يوم تصاحبي واحدة جديدة ؟.
هياا الوزيرة معندهاش وزاره النهارده قومى يا حبيبتى الساعه10 .
انته مبتكلش جزر ليه .. اجيبلك برتقانه. طب كل سلطه

يابني بأسلوبك ده مش هتعيش معاك واحده

قومي ساعدي امك ده اللي هيتجوزك أمه داعية عليه

اوعى حد غريب يديلك حاجه تاكلها و تشربها و تاخدها منه .
يا ابني حرام عليك الى بتعمله فينا ده.
انا سايبالكوا البيت وماشية ومش حتشوفوا وشي تاني .
لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
وانت فاكر احنا مستنيين منك حاجه .
المسلسل مش هينفعك ...قوم .
ابقي قبليني لو فلحتي ...بس ديما مش بيقلوا نقبلهم فينّ!!! غريبه .
مين اللي ساب باب التلاجة مفتوح.
كفايه رغي في التليفونات .

لما الولد او البنت ماتاكلش تقعد الام تقول وشك بقى عامل
زى اللقمة المقمرة هتتعبى ومش هتقدرى تروحى الكلية و هلف بيكى على
الداكترة.

اطفي التلفزيون وقوم ذاكر ولا و خش اوضتك .

بلاش تمشى حافى البس شبشب وانته داخل الحمام .
ما فيش مذاكرة على المزيكا .. وازاى بتذاكر و البتاع ده شغال جنبك .

فلوسك بتروح فين يا هبله انتي بتصرفي على الصبيان؟؟.
مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة .
ماتتأخرش علشان عندك كلية بكرة بدرى.
انا عارفة ازاى المك .

انا : ياماما بقه ايه ده ؟؟؟

ماما:مووو لمـا يــــــخدك .

ادلعى ياهبة فى ايامك المهببه .

ده منظر اودة بني آدم ، انت عايش فيها ازاي؟.
هو انا الخدامه الى ابوكم جبهلكم .
الى يطلع من الاوضه يطفى النور وراه .

ابوك عندك أهو اتصرف معاه .

اللي بيشيل قربه مخرومة بتخر عليه لوحده ..
لو مش فاهم حاجه ارفع ايدك و قول للأستاذ مش فاهم .. متتكسفش ..
يأبنى المذاكره مابتخلص .... نفسى اشوفك مره ماسك كتاب.

اعمل حسابك مش حندخلك جامعه خاصه.

قالب ليلك نهارك طول الليل صاحى وطول النهار نايم

طبعاً ما حضرتش ولا محاضرة ولا سكشن , وطول اليوم صايع بره البيت .

مالكش دعوة بالسياسة .. وماتمشيش في مظاهرات .و امشي جوا الحيط .

احمد ربنا الاكل الى مش عجبك ده فى ناس مش لقينه .

والله لو منضفتيش الشقه ومسحتيها ما في نزول النهرده .

قومي سخني الأكل لأخوكي.
--------------------------
ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

ومن اشهر الجمل الى بتتقال كل يوم بعد الاكل :

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
انتي باه اتقلك ايه انتي واخواتك][/size]

[center]هههههههههههههههه
موتينى من الضحك ربنا يسعدك ياااااااااارب
يا مشمشه يا مفرفشه

سلمت يداك

ههههههههههههههههههههه

جميل جدا

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه
والله يا بنتى هو ده اللى بيحصل
طب بصى دى

هو انتى طول النهار يا اما على النت يا اما على التليفزيون ارحمى نفسك يا بنتى

اخوكى راح فين من الصبح
(قال يعنى انا هعرف خط سيره وانا مالى )

امتى تتجوزى عشان ارتاح منك

قومى روقى الزريبه دى

خلى اخوكى يذاكر
( قال يعنى هيسمع كلامى )

فين الشاحن يا ولاد

انتى بتاجرى فى النوم اصحى بأه

كفايه كده وهرجعلك تانى

ههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههههههههههههههههههههههههههههههههه
بجد بجد روعة ومت من الضحك تسلم ايدك

واللهى كلام تمام ميه ميه
هو ده اللى كل الامهات والابهات

بيقولوها بس ياريت الولاد بيسمع اى كلمه
لا بيعدوا يتريقوا
ربنا يهدي ويصلح احوال شبابنايارب

لا انا ماما اول ما اصحي
افطرى (يعني لو مافطرتش هموت من الجوع ما كفايه شاي بلبن )
ووانا في المدرسه بقة
لو ماكلتيش السندوتشات همنع عنك المصروف
او
كفايه بيبسي هاتيلك احسن علبه عصير تنفعك
او
يا بنتى كفايه الزمالك والكورة مش هينفعوكى في الامتحانات

انا بقى ماما كانت ديما تقولى

((( يا ريت تنضفى المرايا زى مبتعدى تبصى فيها )))

(((كفايا طلوع ونزول رجليكى موجعتكيش من السلم)))

وفى الصيف لما كنت اخرج الظهر

(((لمى شعرى ايه مش حرانه منه)))

(((حد يخرج فى الجو دا غير العفريت انتى مش حسه بلحر)))

ههههههههههههههههههههههههههههههههههههههههههههههههههههههه
ههههههههههههههههههههههههههههههههههه
والله انا ضحكت ضحك يا لهوووووووووووووى ههههههههههههههههههههه جميل جدا
ودى كتييير بتتقالى
جيم ايه انتى فيكى حاجة علشان تخسى