مقابله مع الفنان محمد نور

هذة مقابلة صغيره مع محمد نور:




المذيعة: اهلا وسهلا بالفنان محمد نور ( عضو فرقة واما ) واهلا بيك معانا في موقع واود ان اسألك اولا ماهو رايك بالنجم عمرو دياب وهل انت من المتابعين له ؟
محمد نور : طبعا عمرو دياب فنان جميل جدا وأنا من اشد المعجبين بيه وبكل أعماله وفعلا هو متميز بين كل الفنانين اللي موجودين دلوقتي

المذيعة: لاحظنا في الاونة الاخيرة ..ارتباط اسم فرقة واما بعمرو دياب ... فنادر حمدي موزع البومه بالكامل والفنان احمد فهمي يعزف حاليا في فرقته ...فهل سنرى في القريب العاجل تعاون محمد نور مع عمرو دياب؟
محمد نور : انشالله اكيد..انا بحبه جدا واكيد في تعاون بينا في حاجة يعني وطبعا انا نفسي اتعاون معاه في اى حاجة ولو حتى كانت بسيطة

المذيعة: انشالله يكون هناك تعاون ..خاصة عمرو معروف بتعاونه مع النجوم الشباب ? دعمه لهم ...هل صحيحة الشائعات التي قالت ان البوم واما تأخر طرحه بسبب انشغال نادر بتوزيع البوم عمرو دياب وعدم التزامه مع الفرقة ؟؟
محمد نور : لا طبعا..احنا اتأخرنا عشان كنا بنجهز حاجة كويسة وعشان نكون حاسيين انها هتعجب الناس وعمرو طبعا صاحب فضل كبير علينا في حاجات كتير وتوجهاته لينا وكل الناس اللي بتقول كده دي ناس بصراحة مش عارف اوصفها بإيه بس اكيد ربنا هيسامحهم

المذيعة: الحمدلله انها مجرد شائعات ..سؤال اخر عزيزي محمد ... ماهو رايك في توزيع زميلك نادر لالبوم وهل استطاع ان يتميز عن الموزعين الذين عملوا من قبل لعمرو امثال طارق مدكور وفهد ..خاصة اني اعلم انك موزع .. وان لك تجارب في التوزيع الموسيقي لبعض الفنانين الشبان ..فماهو رايك بصراحة؟
محمد نور : بصراحة انت عاوز توديني في داهية..! بلاش أسامي..دي ناس جامدة

المذيعة: انا بس بسألك عن رايك وايه اللي عجبك وايه اللي ماعجبكش ... وبدون ذكر اسماء اخي العزيز
محمد نور : والله نادر كان فعلا متميز وكل الناس شهدت بكده ونادر طبعا يستاهل كل ده لأنه فعلا مجتهد وبيعرف ازاى يستعمل ادواته في انه يصنع ميوزك جديد وحلو ويرتب افكاره صح وهو فعلا يستاهل انه يكون في الوضع الحالي ليه وانا طبعا فرحان له جدا

المذيعة: اجابة لا تخلو من الذكاء والدبلوماسية... طب ماهى اكثر اغنية اعجبتك كلمات ولحن وتوزيع؟
محمد نور : كله تمام وكله عجبني

المذيعة: وكلمة اخيرةلكل عشاقك واعضاء الرابطة الخاصة بالفنان ميدو
محمد نور : انشالله الالبوم يعجبكم ونكون اتوفقنا فيه وادعولنا بس ان ربنا يوفقنا وانا بشكرك جدا وبشكر اى حد متعاون معاك في المنتدى وكل الناس اللي بتحب عمرو دياب
المذيعة: شكراً
يا جماعة دة ميتنج لرابطة محبي محمد نور كان لازم انقلهالكم عشان تعرفوا احنا اتكلمنا في ايه

مشكووووورة يا قمر وبجد ميدو دة انسان محترم بصراحة وكل الوطن العربى بيحبوه وانسان رياضي ومخلص جدا لشغله

شكرا كتير والله انت متميزه في كل شيء حتي مواضيعك تسلم ايدك

ميرسي يا جميل شكرا ليكي