انا و النــــــــــــــــــــــــــــــظام

انا و النظام
عاش النظام يحيا النظام انا اصلى عاشق للنظام
عاش النظام ابو الشهامة والقلب الحديد
ما يهموش لو الف قطر ولعوا فى الصعيد
30سنة عمل لنا كوبرى وشارع جديد
وما قلش ليكم على الخطب
احسن كلام وكلام جديدجديدجديد
يحيا النظام عاش النظام انا اصلى عاشق للنظام
اجمل تحية ومئة مليون مسا وتعظيم سلام
ملعون ابوك يلى تجيب سيرة عبارة السلام
يحيا النظام عاش النظام
إياك تقولى ان المعيشة بقت غلا
نظامنا ما يحبش كلام ولا ولولة
إياك تقول لى ان النظام كدب وخداع
بعدين تروح هناك عند البتاع
وعلى حد علمى ان البتاع
لة ييجى مليون دراع
يديك بنية يخنفك وتاخد لقب ارهابى او سفاح
عاش النظام يحيا النظام
اياك تقولى الناس مش لاقية الفتات
وبلدنا مديونة وغرقانة فى فساد
اياك تقول ان الزراعة فيها حاجات مسرطنة
صدقنى على حد علمى انا
نظامنا عامل خطة محبوكة ومتقنة
اصل النظام لما لقى الشعب عمال يزيد
قام عمل لنا خطة بس من النوع الجديد
لوتعرف الخطة هتقول على النظام دا مدرسة الفنون
بس يا سيدى هو احنا كام مليون
اخر كلام قالوا اننا تمانين
الخطة ان
1-عشرة يموتوافى القطار
2-عشرين يموتوا فى طابور الانتظار
كدة نبقا كام
خمسين
طيب عشرين يموتوا غرقانين
كدة نبقا كام
ثلاثين
وعشرة من الساسة بتوع السياسة يقضوها فى السجون
ومعاهم عشرة من حبايبنا امات دقون
عرفت ان النظام دا راسخ وموزون
كدة نبقا كام مليون
عشرة
خمسة يكونوا للحرص و تأمين الحدود
وثلاثة ب البنادق فى الشوارع بيقولوا سكوت
ونطلع لنا من الباقى كام وزير
ونظامنا ياخد لقب مولانا الامير
والباقى يعمل حزب يسمية الحمير
وانا هبقا من اتباع النظام انا ممكن ابقا وزير
لانى هبقا اهم عضو فى حزب الحمير
وابقا صاحب سلطة من الاعيان
وامشى اصرخ اقول فى كل مكان
عاش النظام يحيا النظام انا اصلى عاش للنظام